Partiduen aurretikoa, 9. astea: Emakumezkoen lehen mailako sailkapenaren buruan leia
Emakumezkoen lehen mailak astebukaerako leia erakargarrienetakoa dakarkigu. Liderra den Txintxu Gozotegia ISB-k (4-0), Antigua Luberri (3-1) bixitatuko du Benta Berrin larunbatean 18.00etan, bere jarraitzaile gertuenetakoa. Etxekoek irabazi ezkero, lider aldaketa egon daiteke Ostadar SKT -ren (4-0) alde, azken hauek Eskoriatza (1-3) garaitzea lortzen badute Lasarten. Sailkapenaren beheko aldean, Goierri Ayma eta Bera Bera Gros nor baino nor arituko dira, haien lehen garaipenaren bila. (Argazkia: Luis García).
Gizonezkoen lehen mailan, Mekalki Aloña Mendik (6-0) porrotik jaso gabeko talde bakarra orain artean, Cafes Aitona Askatuak (2-4) jasoko du larunbatean 16.00etan Oñatin. Jardunaldiak sailkapenaren beheko zatian dauden taldeen arteko leia ugari dakartza; Oiartzungo Saskilagunak (2-4) eta Take Orbela Tolosa (1-5) adibidez. Bestetik Atletico San Sebastian (4-2) eta Hernani (4-2) no baino nor arituko dira sailkapenean goikaldean jarraitzeko asmotan.
Gizonezkoen juniorretan, talde guztiek ezagutu dute porrota Mondragon Unibertsitatearen (7-1) aurreko asteko porrotaren ostean Goierri Gaestopasen (6-2) kantxan. Arrasatearrek, hori bai, lidergoa mantentzen dute eta Grupo EME Oiarso (0-8) bixitatuko dute. Urbycolan Hondarribia (5-1) eta Eskoriatza (5-1) nor baino nor arituko dira emakumezkoen juniorretan, liderra den Bera Bera (6-0) harrapatzeko asmotan, edo gutxienez gertu jarraitzeko asmotan, azken honek Take Redline Mekanika (0-6) bixitatuko du.
Emakumezkoen kadeteetan, Ordizia bere orain arteko martxa bikaina mantentzen saiatuko da, zortzitik zortzi, Ostadar SKT-ren (3-5) kantxan. Eskoriatzak, lehengo astean bere garaipenen markagailua estreinatzeko zorian egon zena (51-53 Atletico San Sebastianen aurka Andatzan), bere lehen garaipena bilatuko du Easo Alquileres Donostiren aurka. Gizonezkoen kadeteetan, bestetik, Easo Mendaur (3-1) eta BKL Murumendi (3-1), Atletico San Sebastian Adarra (1-3) eta Iragaz ISB-ren (1-3) aurka arituko dira hurrenez hurren, kolidertzan daudenak asaltatzeko nahiean, edo gutxienez gertu geratzeko nahiean, Redline Mekanika Take (4-0) eta Erroibide CD Irun (4-0).
Kontsultatu hemen Jardunaldiko ordutegi guztiak:
Emakumezkoena Lehen Maila
Gizonezkoen Lehen Maila
Emakumezkoen Bigarren Maila
Gizonezkoen Bigarren Maila
Gizonezkoen Hirugarren Maila
Emakumezkoen Juniorrak
Gizonezkoen Juniorrak
Gizonezkoen Kadeteak
Emakumezkoen Kadeteak
