Jardunaldia: ezustekoak emakumezkoen lehen mailan

Lurrikara emakumezkoen lehen mailako sailkapenaren buruan. Bi koliderrek, Atletico San Sebastianek eta ZAST Neskak taldeek, etxean galdu egin zuten. Donostiarrek, Ostadarren aurka galdu zuten (51-54) eta zarauztarrek, TAKE-ren aurka (38-51). Horrela izan delarik, Antigua Luberrik aukera aprobetxatu eta sailkapenaren buruan harrapatu ditu Arri BKL gainditu ostean (37-50). Gizonezkoen lehen mailan, TAKE Orbela Tabernak zuzenenko leian irabazi zuen Errotaundi Okindegia ISB-ren aurka (58-50) eta sailkapenaren buruan jarraitzen du Bosteko Iraulirekin batera, Astigarragako Mundarro gainditu zuena (67-54). 

ZAST Zarautz taldeak trataezin jarraitzen du emakumezkoen juniorren sailkapenaren buruan. Hamabostgarren garaipena eskuratu zuen Inar Optika ISB taldearen kantxan (48-59). Gizonezkoen juniorretan, Ama Guadalupekoa Iksbasket taldeak garaipen garrantzitsua eskuratu zuen sailkapenean bere atzetik zuen Atletico San Sebastian Larrun taldearen kantxan (52-79).

Easo Lorea Gourmet taldeak, 14tik 14koa eskuratu du emakumezkoen kadeteetan. Donostiarrek asko sufritu zuten Fiskalan ISB gainditzeko (39-35). Gizonezkoen kadeteetan, lehenengo bien arteko leiak ez zuen hutsik egin. Garaipena Ordiziarentzat izan zen, Saski Axular azken minutuetan gainditu zuenarentzat (62-63). 

Kontsultatu hemen jardunaldiko emaitza guztiak (argazkia: ZAST): 
Emakumezkoen 1. maila
Gizonezkoen 1. maila
Emakumezkoen 2. maila
Gizonezkoen 2. maila
Gizonezkoen 3. maila
Emakumezkoen juniorrak
Gizonezkoen juniorrak
Emakumezkoen kadeteak
Gizonezkoen kadeteak