Jardunaldi atarikoa

Errendimenduzko juniorrekin hasiko gara gaurkoan. Mutiletan, sekulako lehia eta emozioa bizitzen ari gara, eta oraingoan ere buruan dauden bi talderen arteko dema biziko dugu. EASO Mandoegik Goierri Gaestopasen bisita jasoko du eta biak ala biak saiatuko dira lidergoan duten postua ez galtzen. Partaidetzako mutiletan bigarren multzoko bigarren postuan dauden bi taldeen arteko lehia aipatu nahiko genuke: Modelos Modelberri – Astigarragako Mundarro A, biak ere liderrari segika jarraitzeko asmoz. Nesketan, Luberri Aldapeta Maria Ikastetxeak duen asteburu gogor eta mardula da aipagarri. Larunbatean bigarren sailkatu den Harategia Okela Maialen Añorga Saskibaloiaren aurka jokatuko du, eta igandean Ibaeta Bera Bera liderraren aurka; biak irabaziz gero, lidergoa eskuratuko dutela jakinik.

Erendimenduzko kadete nesketan EASO Ibaeta Basket Buruntzak bere ibilbide perfektuari segida ematen saiatuko da, baina Eskoriatza KE bigarren postua lortzeko borroka betean iritsiko da partidara. Partaidetzan, baina mutiletan, bigarren faseari ekingo diote taldeek.

Infantilen gure agendan ere sekulako partida daukagu apuntatuta errendimenduzko mutiletan. EASO Cromovak Ordizian jokatuko du eta badaki irabaziz gero sailkapenean zabalduko duen zuloa ia erabatekoa izango dela. Antzerako egoeran dago, nesketan, Marmoles Aztiria ISB; asteburuan bi partida jokatuko ditu gainera, eta biak aurrera ateraz gero, ia ziur amaituko du lehen postuan lehiaketa.

Jardunaldiko partida

Errendimenduzko Infantil Mutilak

Ordizia KE – EASO Cromova

Larunbata, 10:45tan, Majori Kiroldegia (Ordizia)